୪ଶହ ଟଙ୍କା ନଦେବାରୁ ମିଳିଲାନି ଆମ୍ବୁଲାନ୍ସ ୧୦ ବର୍ଷର ପୁଅର ମୃତଦେହ ଧରି ରାସ୍ତାରେ ଚାଲିଚାଲି ଗଲେ ବାପା

ବାରିପଦା, ୧୦/୩  : ପୁଅର
ମୃତଦେହ ଧରି ରାସ୍ତାରେ ଚାଲିଚାଲି ଗଲା ବାପା  ।
ବାରିପଦା ପଣ୍ଡିତ ରଘୁନାଥ ମୁର୍ମୁ ମେଡିକାଲ
କଲେଜ ପରିସରରେ ଦେଖିବାକୁ ମିଳିଛି ଏଭଳି
ଏକ ଅଭାବନୀୟ ଘଟଣା  । ୧୦ ବର୍ଷର ପୁଅର
ମୃତଦେହକୁ ଧରି ବାପା, ମା’ ଓ ଝିଅ ରାସ୍ତାରେ
କାନ୍ଦି କାନ୍ଦି ଯାଉଥିଲେ ମଧ୍ୟ ଏଥିପ୍ରତି କାହାରି ନିଘା
ନଥିଲା  । ଗତକାଲି ରାତିରେ ପୁଅର ଦେହ ଖରାପ
ହେବାରୁ ଗୁରୁତର ଅବସ୍ଥାରେ ମେଡିକାଲ୍‍ରେ ଭର୍ତ୍ତି
କରାଯାଇଥିଲା  । କିନ୍ତୁ ପୁଅର ମୃତ୍ୟୁ ହେବାରୁ
ମୃତଦେହକୁ ଗାଁକୁ ନେବାପାଇଁ ମେଡିକାଲରେ ଗାଡ଼ି
କଥା କହିଥିଲେ ବାପା  । କିନ୍ତୁ ମେଡିକାଲରେ ତାଙ୍କୁ
କେହି ଏଥିପାଇଁ ୪ଶହ ଟଙ୍କା ମାଗିଥିଲେ  । ମାତ୍ର
ପାଖରେ ଟଙ୍କା ନଥିବାରୁ ସେ ନିରୁପାୟ ହୋଇ
ପୁଅର ମୃତଦେହକୁ ଧରି ରାସ୍ତାରେ ଚାଲିଚାଲି
ଯାଇଥିଲେ  । କିଛି ଲୋକରାସ୍ତାରେ ତାଙ୍କୁ ଅଟକାଇ ଥିଲେ  । ପରେ ଖବରପାଇ ଡାକ୍ତରଖାନା କର୍ମଚାରୀ
ଓ ଡାକ୍ତରଖାନା ଫାଣ୍ଡି ପୋଲିସ ଶବକୁ ନେବାକୁ ଗାଡ଼ି ଦେଇଥିଲେ  । ଏହି
ଘଟଣାର ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛି ଫାଣ୍ଡି
ପୋଲିସ  । ତେବେ ବହୁଚଚ୍ଚିର୍ତ ଦୀନ ମାଝୀ ଘଟଣା ମନରୁ ନ ଲିଭୁଣୁି ପୁଣି
ଥରେ ଏହି ଘଟଣା ସାମ୍ନାକୁ ଆସିଛି